صحابات "روتيني اليومي" مات ليهم الحوت.. هاد الساعة الطوندونس شادّينو الأغاني – تصويرة

من بعدما كان مكتسح الطوندونس، يمكن الناس بداو كيملو شوية من فيديوهات "روتيني اليومي" لي كانو معمرين اليوتوب المغربي..
حاليا، أغاني مغربية هي لي شادة المراتب الأولى.
سعد لمجرد وزهير بهاري بأغنية "لوجه الثاني" باقين شادين المرتبة الأولى، والمرتبة الثانية شادها الرابور طوطو بأغنيتو "مغير"، والبلاصة الثالثة ديال أيمن السرحاني، لي خرج أغنية وجدية مع مختار البركاني.
اليوتوب المغربي بدا كيتغير وكيميل كثار للاغاني والفن عوض فيديوهات "روتيني اليومي" او الڤلوگز والبودكاستس..