هزة ارضية جديدة فالناظور خلعات الناس هاد الصباح

سجلات مدينة الناظور، هاد الصباح مع الوحدة و 8 دقائق، هزة ارضية حسو بيها الناس، ونوضاتهوم مخلوعين من النعاس، وفكراتهم بسيناريو الهزات اللي كان هادي 4 سنين، وكانت كتسجل ازيد من 30 هزة فاليوم وصلات اقواها ل6,4 درجات على سلم ريشتر.
وحسب المركز الاوروبي لرصد الزلازل، فوصلات قوة الهزة 2.3 درجات على سلم ريشتر، وبؤرتها كتبعد على الناظور المدينة ب35 كيلومتر وعلى عمق 10 كيلومترات.