ما سخاتش بالميكرو والبندير.. الحاجة الحمداوية رجعات تغني بعدما اعتزلت

بعدما علنات الاعتزال ديالها الكامل من المجال الفني، وعطات موروثها للمغنية الشابة گزينة عويطة، الحاجة الحمداوية تنادم معاها الحال، وباقة ما سخات بالميكرو والبندير.
الحاجة الحمداوية لي قالت عمرها باقة تغني، وعطات لبنت البطل السابق عويطة الحق باش تتصرف فأغانيها، خرجات في سهرة خاصة بمناسبة راس العام مع المغنية المغربية اليهودية ريموند البيضاوية.
الحاجة الحمداوية باينة ما سخاتش بالغنا، وبفنها ومازال باغة تبارطاجي مع جمهورها الموهبة ديالها.
والله وأعلم اشنو وقع بينها وبين گزينة، باش رجعات في هضرتها، والراس لي ما يدور كدية.