بحال كيف كان وقع فالمغرب.. هربة جماعية من لندن بعد ما بانت سلالة جديدة من كورونا فبريطانيا – تصاور

قررو بزاف من سكان العاصمة البريطانية لندن يهربة منها بشكل جماعي، بعد قرار تشديد قيود الحركة فيها بعد اكتشاف سلالة جديدة ديال فيروس كورونا المستجد.
وحسب مجلة "دايلي ميل" البريطانية، بزاف ديال الناس جراو لمحطات القطار فالمدينة قبل ما تدخل الإجراءات الجديدة حيز التنفيذ، اما الناس اللي عندهم طوموبيلاتهم فعمرو ليزوطوروت بشكل كبير باش يهربو للمدن الأخرى قبل تطبيق الإجراءات.
وهذشي كيجي فالفترة ديال "نويل"، ومن بعد ما قرر رئيس الوزراء البريطاني بوريس جونسون يلغي الزيارات من وإلى لندن ففترة الأعياد فهذ الظرفية.
وحذرات الحكومة البريطانية من السلالة الجديدة ديال كورونا، اللي اعتبراتها "خارج السيطرة".
وعلن وزير الصحة البريطاني ماثيو هانكوك الأسبوع اللي فات أنه "تم التعرف على سلالة جديدة من فيروس كورونا في البلاد تنتشر بشكل أسرع من الشكل الأصلي".
وزاد: "السلالة الجديدة انتشارها من شخص لآخر أسهل من سابقتها وبالتالي فهي أشد عدوى".
مقال "دايلي ميل فالموضوع هنا:
https://www.dailymail.co.uk/news/article-9071155/Huge-queues-train-stations-desperate-Londoners-flee-capital-ahead-Tier-4.html