بوليس الصبليون شد 17 مغربي فعصابة ديال الحريك دخلات المئات من الحراكة

بوليس الصبليون طيح هاد الأسبوع، شبكة إجرامية متخصصة فتنظيم الهجرة السرية من المغرب لجزر الكناري، حيث أسفرت العملية المسماة "حيدرة"، عن اعتقال 19 شخصا، منهم 17 مغربي، وجوج صبليون.
عشرة من المتهمين تشدو فلانزاروت، وجوج فمورسيا، وجوج اخرين فقاديس، وواحد فألميريا، وواحد فغرناطة، وواحد فويسكا، وواحد فمدريد، وآخر فمالقة.
البوليس قالو أن الشبكة قدرات توصل المئات من المهاجرين لجزر الكناري، واللي كانوا كيدفعو مبالغ مالية كتترواح مابين 500و 1500 يورو، وبدات التحريات على هاد الشبكة بعدما توصلات الشرطة بمعلومات قدمها شاهد كتبين وجود شبكة إجرامية متورطة فتهجير المغاربة لجزر الكناري.