مافيات فهولندا صفّاو مغربي بسباب حرب المخدرات

ماتزال حرب العصابات فهولندا كتحصد أرواح شباب مغاربة في عز شبابهم، بعد 8 سنوات على انطلاق هاد الحرب، بسباب شحنة ديال 200 كيلو من الكوكايين.
آخر ضحايا هاد الحرب، شاب مغربي فعمرو 26 سنة، قتل على يد مجهولين أول أمس الاربعاء، بمدينة فلاردينكَن الهولندية بعد تبادل اطلاق النار.
مصادر إعلامية، قالت أن السكان سمعوا اطلاق النار وبلغوا البوليس لي جاو ولقاو الضحية تقتل، هادشي خلاهوم يتبعو واحد من المجرمين، ويشدوه بعدما ضربوه تا هو بالقرطاس وراه فحالة خطيرة فالمستشفى.
التحقيقات الاولية للشرطة، أشارت ان سبب القتل يتعلق بحرب العصابات كما سلف الذكر.