هاد "دوزيم" ما تحشمش ما عندها وفاء لناسها. موقعها دار خبار على الصايل بحال كايها الناس

موقع القناة الثانية "دوزيم" دايرة خبار على رحيل احد وجوه التنوير فالبلاد نور الدين الصايل بطريقة فجة مثيرة للاستغراب. القناة كتبات باللي البارح توفى السينمائي نور الدين الصايل لمرض كورونا وباللي كان فمستشفى الشيخ زايد فكازا.
ثم قالو باللي تولد فطنحة وحصل علي شواهد واشتغل ووو وسالاو تقلد مهمة مدير عام ف"دوزيم".
اولا قدموه سينمائي وهو متعدد او نهر كيف وصفو الشاعر المغربي الكبير محمد بنطلحة. ثانيا كيخلطو بين الشيخ خليفة فكازا والشيخ زايد فالرباط. هما رجعو زايد فكازا.
واكثر من ذلك دارو ليه مسارو بسرعة. وا بنادم هادا راه كان مدير القناة اللي تكتب فيها لخبار.
كيفاش تقزمو مسارو بهاد الطريقة. علاش نكرو كلشي للي دار. وراه موقع "دوزيم" كان يدير ليه تكريم يليق بيه. يبدا هاد التكريم بمقال محترم ماشي بهاد الشي اللي داروه