الوضعية الوبائية فيها مازال ماستقرات.. تمديد الحجر الصحي فالصويرة

قررات سلطات الصويرة تمدّد الإجراءات الوقائية الاستثنائية على مستوى المدينة لمدة 15 يوم إضافي بسبب فيروس كورونا المستجد، وهكذا غتستمر الإجراءات الاحترازية اللي كان معمول بها ابتداء من 13 نونبر الماضي.
وهذ القرار جا بعد اجتماع دارتو لجنة اليقظة الوبائية مع السلطات المحلية فالإقليم، اللي شافت أن الحالة الوبائية فالمدينة مازال ماستقراتش.
وكَاع التجمعات فالمدينة ممنوعة، والسلطات غيبقاو رادين البال باش كلشي يطبق الإجراءات الاحترازية من كمامة وتباعد، والدخول من المدينة مازال بالرخصة ديال التنقل الاستثنائي.
وغدي يبقاو الحوانت يتسدو مع 8 دالليل، والسوق الأسبوعي مع 4، والقهاوي والريسطورات مع 8، وغايبقاو الماتشات ممنوعين يدوزو فالقهاوي.