للي بغاو يسجلو طوموبيلاتهم فكازا.. الرونديفو ولا يتشد من الدار.. واللي سجل موعد قبل هزو الما.. وها علاش

دابا يمكن اللي بغاو يسجلو طوموبيلاتهم فكازا الجنوبية ياخدو مواعيد غير من الدار ، منبعد التوقف الاضطراري لمركز تسجيل السيارات بالدار البيضاء – الجنوبية بسبب كورونا، وحتى المواعيد اللي سبق تخدات غادي تلغى بسبب هذ السدان، حفاظا على صحة وسلامة المواطنين والعاملين به، وبغية تدبير المرحلة المقبلة في أحسن الظروف
وحسب بلاغ للوكالة الوطنية للسلامة الطرقية، فراه بإمكان حجز مواعيد جديدة عن بعد عبر بوابتها الإلكترونية " NARSA KHADAMAT " من جديد، ابتداء من الجمعة 13 نونبر 2020، اما المواعيد اللي تخدات قبل فماغايتخاذش بيها.
وقالت الوكالة أنه غيتم إلغاء حجز المواعيد بالنسبة لطلبات استبدال رخص السياقة، ودعوة أصحابها إلى اتباع مسطرة التجديد عبر نفس البوابة "NARSA KHADAMAT" مع تحميل وصل التسجيل المتعلق بهذه العملية وإرساله مع الوثائق المطلوبة عن طريق البريد المضمون إلى مركز تسجيل السيارات.
وهذ الإجراء تخاد، حسب البلاغ، "في إطار تعزيز التدابير الاحترازية للحد من خطر انتشار فيروس كورونا المستجد (كوفيد 19)، المتخذة من طرف السلطات المحلية مع ضمان استمرارية العمل بهذه المرافق العمومية وتقديم خدمات ذات جودة عالية لعموم المرتفقين".