تويتر نزل على ترامب قبل ما يتحسمو النتائج.. حجب تغريدات كثار ليه على الانتخابات اعتبروها "مضللة"

من بعد تغريدتو اللي تحجبات هادي يومين اللي شكك فيها فمصداقية التصويت وفالنتائج ديالو، بعدما حقق الغريم ديالو، جو بايدين، تقدم ملموس فمراحل التصويت الأولي، رجع دونالد الترامب، الرئيس الحالي لميريكان المنتهية ولايته، غير كيتويتي فحساباتو الرسمي على تويتر، وهاد المرة مجموعة كبيرة ديال التغريدات تم حجبها حيت الموقع اعتبرها مضللة.
مابقى والو على الاعلان على نتائج الانتخابات، اللي متقدم فيها بايدن على ترامب، وكاين احتمال أنه يولي رئيس ميريكان فالولاية الجاية، وهذشي خلا ترامب يكثر من التغريدات، ويقول انه متقدم فولايات ديجا حضا فيها بايدين بأغلبية الأصوات.