بالصورة: وا السيبة وشكون فالسلطات متواطئ معاهم؟ كيفاش سكان هروهورة دارو شرع يديهم وسدو ممر عمومي للبحر وبناو اليوم فزمن الحجر الصحي

تصورو البحر ملك للجميع. مع قرار اغلاق لبحورا شي وحدين استغلو الوضع باش يمنعو كاع الممرات العمومية. هاد الصباح =الصورة= ناضو شي وحدين حديثي العهد بالڤيلات وغالبا غادي يكونو فيهم شي فاسدين ضد القانون وقررو يسدو ممر عمومي للمواطنين لشاطئ الرمال الذهبية.
هاد الشي وفق ما علمته "كود" وقع فزنقة مسك الليل اللي كيدي لهاداك الشاطىء بالهرهورة. صحاب الفيلات بغاو يسدو الممر ضد على القانون كيف دار مول اوطل افولوك اللي قال راه فارضي. واخا ارضك يا بنادم راه ممر للشواطئ فالقانون. خاص يكون ممر للمواطن للبحر.
دابا هادو كيبنيو وبغاو يديرو باب ويعطيو لصحاب الڤيلات ساروت. بوحدهم يدخلو ويخرجو. شوفو الوقاحة والزعامة. هادو كيقولو باللي الباشا هو اللي طيح عليهم الفكرة. هما كيقولو هاد الشي. ما يمكنش شي باشا يوصل بيه المستوى لهاد الشي.
دابا فين باشا هرهورة وفين عامل تمارة وفين والي الرباط. كيفاش هاد التسيب وهاد الوقاحة.