اللي قريب يقدام ليه البيرمي خاصو يجددو قبل هاد التاريخ

الناس مع فيروس كورونا المستجد ولاو عكَزانين يقادو أمورهم الإدارية، وولاو مأجلين كلشي، وحتى اللي قرب يتإكسبيرا ليه البيرمي باقي معطل بسبب الوباء، وهذشي علاش كتابة الدولة المكلفة بالنقل خرجات تنبه الناس باش يبدلوه قبل ما يفوت الأجل.
وفبلاغ ليها، قالت كتابة الدولة المكلفة بالنقل أن الناس اللي عندهم رخصة السياقة الإلكترونية مسلمة ف1 أكتوبر 2010 أو بعدو، أي قريب تدوز عليها 10 سنين، خاصهوم يبدلوها بعد 30 شتنبر 2020.
لكن بالنسبة للناس اللي خداو البيرمي قبل هذ التاريخ، فهوما مامطالبينش بالتجديد ديالو، وهذشي حيت مازال القانون 52.05 ما دخل حيز التنفيذ، اللي كينص على تجديد البيرمي كل 10 سنين، كيف ما قال البلاغ