من بعد الكار اللي دار كسيدة فنفس البلاصة وماتو الناس.. كاميو ثاني تقلب فطريق "طابوكا" – تصاور

تقلب كاميو من الحجم الكبير، صباح اليوم الاثنين، فالطريق الوطنية رقم 1، وتحديدا فمنعرجات "طابوكا" فالجماعة الترابية إمسوان فإقليم أكَادير.
هذ الحادث مانتجات عليه حتى خسائر فالأرواح، لكن تسبب للشيفور فجروح بليغة وخلف خسائر مادية فالكاميو اللي كيهز السلعة.
الجدارمية والوقاية المدنية مشاو للبلاصة اللي وقعات فيها الكسيدة، وتم نقل الشيفور للسبيطار.
ومكاملاش سيمانة باش وقعات كسيدة مشابهة فنفس البلاصة، بحيث تقلب فيها كار وماتو 12.