سفارة الصبليون منظمة جوج رحلات استثنائية من ميناء طنجة للخزيرات

غتنظم السلطات الاسبانية جوج رحلات بحرية من طنجة للخزيرات.
وعلنات السفارة دسبانيا فالمغرب على تواريخ هذ الرحلات، وقالت أن اللولة غتكون ف6 غشت، والثانية ف7 غشت.
وهذ الرحلات كتهم الصبليونيين اللي حصلو فلمغرب، والمغاربة اللي عندهم بطاقة الإقامة فسبانيا.
وكانت برمجت السفارة الصبليونية كذلك 4 رحلات من الناظور لسبانيا فتواريخ 6 و18 و27 غشت و7 شتنبر.
والحدود بين المغرب واسبانيا مزال مسدودة بسبب انتشار فيروس كورونا المستجد.