سفير بريطانيا: ها وقتاش غادية تفتح الحدود المغربية

سفير بريطانيا فالمغرب، توماس رايلي قال، السيمانة اللي فاتت، فتغريدة على حسابو فتويتر أن فتح الحدود الجوية المغربية غادي يكون نهار 10 يوليوز على اقرب تقدير.
وطلب توماس رايلي من المواطنين البريطانيين اللي مازال حاصلين فالمغرب، وماباغينش يزيدو يتسناو حتى تفتح الحدود، باش يتواصلو مع السفارة اللي غادي تنظم رحلات جوية للناس اللي باغية تغادر المغرب.
وفتويت اخر، نشرو هادي يوماين، قال السفير ان غدا الخميس غادي تكون رحلة لاجلاء البريطانيين، اللي فالاصل كانو 200، ولكن 40 غيرو رأيهم، و66 ماكيجاوبوش السفارة.