ها كيفاش غادي يتم التعامل مع أي تلميذ غادي يدوز امتحان الباك وشكُّو فيه "كورونا"

استعدادات مكثفة تواكب عملية تنظيم امتحانات نيل شهادة البكالوريا دورة 2020. هاد الامتحانات الكل مجند ليها لانها تمر في ظروف استثنائية بسبب تفشي فيروس "كورونا" فبلادنا. لكن كيفاش غادي يتم التعامل مع أي مرشح أو مرشحة شكو فيه حامل للفيروس أو فيه غير الأعراض.
وحسب مصادر مطلعة، ل"كود"، فإن مراكز الامتحانات كولها وجدات "قاعات للعزل". وشرح ذات المصدر أن أي مرشح شكُّو فيه أو بانت عليه أعراض ديال الفيروس غادي يتم عزلو عن باقي المترشحين، ووضعه في قاعة العزل المتواجدة بداخل المركز.
لكن واش غادي يدوز الامتحان؟. فحسب مصدر "كود"، أي مترشح شكو فيه حامل للفيروس أو يحمل أعراض "كوفيد19" غادي يدوز الامتحان ديالو كباقي المترشحين بشكل عادي، لكن سيتم عزله في قاعة مخصصة بهاد الحالات التي استبعد جدا مصدر "كود" تسجيلها نظرا للتدابير الاحترازية المتخذة فهاد الشأن.
وتابع مصدر "كود" بالتأكيد: "يستحيل يتم إقصاء شي مرشح أو مرشحة وخا يكون حامل للفيروس. هذا استحقاق وطني كبير والكل مجند ليه، وحنا متأكدين من نجاح هاد العملية".