فأفريقيا يمكن ليك دابا تاكل الطواجن وتعمر الگازوال وتشري من "ميني براهيم" غير بالتلفون

لونصات شركتي "أفريقيا " و"أفريقيا غاز" خدمة الأداء بالتيليفون، اللي غادي تنطلق ابتداء من الاثنين 15 يونيو، وغادي يتم تعميم الخدمة والعمل بها بجميع شبكاتها وفروعها.
وحسب بلاغ للشركة، توصلات بيه "كود"، فهذ الخدمة يمكن الاستفادة منها فجميع ليسطاسيون "إفريقيا"، ومحطات "Auto Go" وقهاوي "Oasis Café" ومحلات "ميني براهيم"، بالإضافة لموزعي الكَاز "البقالة" ومحطات "ألو كَاز"، باش يلبيو الحاجة المتزايدة على هذ الخدمة بشكل مزيان فالسوق الوطنية.
وغادي تعطي طريقة الدفع الجديدة للزبناء إمكانية دفع ثمن مشترياتهم بأمان وسهولة من تيليفوناتهم، وهذ الحل كيوفر مجموعة من المزايا كتتوافق مع حالة الطوارئ الصحية اللي كتعرفها البلاد بسبب فيروس كورونا المستجد.
غيحتاج الزبون توفير محفظة رقمية "M-WAllet" من عند الفاعل البنكي، أو إحدى مؤسسات الدفع عبر الهاتف، باش يتم الدفع على QR Code المسجل في جهاز الدفع الإلكتروني.