بسباب هادو دارو التمديد.. موظف كيستارا وسط محكمة الرباط بلا كمامة وبدون احترام التباعد الاجتماعي

كولشي داير الكمامة فالبلاد، مواطنين ومسوؤلين، إلا واحد الموظف باغي يخرج على الموظفين والبوليس والمحامين لي كيشتغلو اليوم ف المحكمة الابتدائية بالرباط، خصوصا وان الرباط باقية في منطقة التخفيف 2 وباقي كتسجل اصابات جديدة بفيروس كورونا.
"كود" عاينت أن هاد الموظف، محترمش الاجراءات لي مكتوبة بالخط الكبير أمام باب المحكمة، وملبسش الكمامة.
"كود" جابت صورة حصرية ديال الموظف، لي من الدقيقة الأولى فاش دخل للمحكمة توجه لكتابة الضبط بلا مايلبس الكمامة. وكيبقا السؤال علاش ماشدوهش ويقفوه عند حد، وعلاش خلاوه يدخل.
وحسب مصادر من داخل المحكمة، فإن رئيس المحكمة ورئيس مصلحة كتابة الضبط خدامين منذ اليوم الأول ديال الطوارئ بشكل يومي باش ينزلو الاجراءات الاحترازية ودايرين مجهود باش يطبقوها ووكيجيو يوميا للمحكمة، لكن بحال هاد السيد هو لي كيخسر هاد المهجود لي تدار.
وعاينت "كود" عودة الحياة إلى مختلف مصالح المحكمة، ودخول المحامين لقضاء أغراضهم، كما أنه من المنتظر أن تنطلق الجلسات اليوم.