موجهة تضامن وسط الفنانين مع رفيق بوبكر -تدوينة

عرف اعتقال الممثل رفيق بوبكر قبل يومين وقبل إطلاق سراحو بكفالة، تضامن كبير من طرف زملاؤو في المهنة لي عبروا على غضبهم من الأفكار الداعشية لي معمرة فيسبوك ولي لصقو ليه تهمة الاساءة للاسلام، وهادشي خلا بوبكر يدوز 24 ساعة في الحراسة النظرية غير حيت بقا داوي في قسارة خاصة.
محمد الشوبي كان من بين الفنانين لي دافعوا على رفيق بوبكر، وكتب عليه تدوينة طويلة على حسابو في فيسبوك عبر فيها على التضامن ديالو معاه، هاد التدوينة تغنى فيها بخصال بوبكر بحكم القرب ديالو منو والصداقة لي كتجمعهم.
وكتب الشوبي "أعرفك يا أخي طيبا، عفويا، متسامحا، عاطفيا، فنانا مرهف الحس، وأعرفك كذلك لا تعني ما تقوله، وتحب الله وتتوسل إليه في قوتك قبل ضعفك".
التدوينة ديال الشوبي شاركوها بزاف ديال الفنانين لي علنوا عبر حساباتهم في مواقع التواصل الاجتماعي التضامن ديالهم مع بوبكر في المحنة ديالو ومن بينهم الممثل هشام الوالي.