نايضة عند الصبنيول بسباب موت مغربي عندو مرض مزمن بقى حاصل فالمغرب وكان باغي يرجع لاسبانيا يداوا

بحال الضغط لي وقع للمغرب ملي ماتت مغربية فمليلية من العالقين تماك، تكرر نفس السيناريو للصبليون، وهاد المرة مغربي مات بعدما كان كيتسنى يرجعوه لاسبانيا.
هاد المغربي اللي كيعاني من قصور كلوي، كان كايدير الدياليز مجانا فإسبانيا، ولكن ملي جا المغرب زيارة لقى راسو حاصل، ومجبر أنه يدير دياليز ثلاثة دالمرات فالسيمانا، وثمن التصفية الواحدة كيتقام عليه ب750 درهم، وحقاش ماعندوش بغى يرجع لبلد اقامتو ولكن ماتسوقوش ليه.
وبعد انتشار فيديو هاد السيد كيهضر، ناضت الروينة وكتبات عليه وسائل اعلام إسبانية، بينما هاجمات جمعية اصدقاء الشعب المغربي، الدبلوماسية الاسبانية وعتابرات أن لي كاديرو هو عنصرية ضد لمغاربة.
Señora @AranchaGlezLaya asi de bien hacen sus trabajos los consulado y etc... aqui teneis el resultado y por eso estamos desesperados por si nos pasa atodos ya van 2 muertes señora ya van 2.. y dios sabe cuantos mas abran si no dejan que la gente regresan asus casa???? pic.twitter.com/sLQWUzFvO4
— Sara (@Sara18845820) May 25, 2020