من بعد ما تجاوزات كورونا.. الشينوا حايرة مع وباء جديد كيقضي على الإنسان فأيام قليلة

كشفات جامعة هونكَ كونكَ، فتقرير ليها لبارح السبت، بللي الشينوا تعرضات لهجمة وباء جديد ديال "الالتهاب الكبدي" تسببو فيه الفيران، وهذشي من بعد ما استطعات تتجاوز محنة فيروس كورونا المستجد.
وكيقول التقرير بللي هذ الوباء الجديد كيقيس الكبدة دالإنسان، وقادر يقضي عليه فأيام قليلة.
والمرض، حسب التقرير، كان قبل، وكايتصابو بيه الناس، لكنه تطور دابا وولا أكثر شراسة وسرعة مللي كان.
وسبق لجامعة هونكَ كونكَ حذرات من هذ المرض، ولكن بعدما مات بيه مواطن ستيني فالسيمانة اللي فاتت، بينات الأبحاث بللي هذ المرض كيتسببو فيه الفيران، وعند تأثير مميت على الإنسان.