خرق حالة الطوارئ وانتحل صفة صحافي.. النيابة العامة مددات الحراسة النظرية فحق الطاوجني

قرارت النيابة العامة بالمحكمة الإبتدائية بأكادير، اليوم الجمعة، تمديد فترة الحراسة النظرية فحق الجمعوي والناشط الفيسبوكي رضا الطاوجني لمدة 24 ساعة إضافية.
والجدارمية وقفو الطاوجني، لبارح الخميس، فمنطقة تامري شمال أكَادير، بسبب خرقو لضوابط الحجر الصحي، وانتحالو لصفة صحافي.
وتبين بللي الطاوجني ماكيسكنش فتامري، وماعندوش ورقة التنقل الاستثنائي ليها، كيف لقاوه الجدارمية كيصور روبرتاج على ندرة المياه فسد مولاي عبد الله فالمنطقة، بلا رخصة وبدون توفرو على بطاقة الصحافي المهنية.
وداير الطاوجني مجموعة من الحلقات على السدود والمجاري المائية فجهة سوس الماسة، وكان بغا يدير حلقة جديدة على سد تامري وينشرها فصفحتو الرسمية ف"فيسبوك".