الفنانة التشكيلية زينب بنيس تبدلات .. وأكدات للمنتقدين: شحال هادي ماكنتش على راحتي ولكن حاليا أنا فخورة بشكلي وبوشاماتي -تصاور

اختارت الفنانة التشكيلية زينب بنيس لي معروفة في انستگرام ب ziwi أنها تسترجع أرشيف تصاورها ديال هادي 6 سنين وبانت مبدلة بزاف.
وإلى حدود 2014 زينب كانت ماوشماش، وكان شعرها طويل وشنايفها صغارين. هاد التغييرات خلاوها تكتب في التصاور أنها هي ومابقاتش عارفة راسها من قوة التغيير الجذري في شكلها.
وطبعا كيف ديما كاين صحاب الانتقادات لي معندهم مايدار، وقالو ليها أنها سابقا كانت كتبان كيوت وظريفة وهي تجاوبهم بالصوت والصورة وقالت: زينب ديال شحال هادي مكانتش على راحتها ولا تمثلني.. عندي حياة وحدة خاصني نعيشها كيف بغيت. عزيز عليا السبرديلة ونكون مرتاحة.
حاليا بنت البطلة المغربية نوال متوكل اختارت أنها تقطع شعرها قصير وتوشم، بالاضافة الى نفخ شنايفها.
وكيف كيقول المثل "معدن الناس هو الأصل.. أما الشكل كيتبدل مع دوام زمان".