فاس .. ها كيفاش تعرضو محلات فحي المرجة للسرقة بعدما الشفارة أوهمو الضحايا أنهم كيديرو التعقيم وخدروهم

الشفارة بعد تضييق الخناق عليهم في عدد من أحياء العاصمة العلمية فاس، بدا عدد منهم كيدير لقوالب باش بشفر. البارح الجمعة تعرضوا بعض محلات التجارية بحي المرجة التابع للمنطقة الأمينة الرابعة "بنسودة" للسرقة بطريقة ذكية.
ووفق ما كشفت عنه مصادر "كود"، فإن هاد جوج شفارة أوهموا تجار بتعقيم بعض المواد، قبل أن يستولوا على مبالغهم المالية وهواتفهم النقالة، مشيرة إلى أن هاد الشفارة كانو على مثن دراجة نارية يستعملانها فهاد العمليات الإجرامية.
وماشي غير هادشي. هاد الشفارة حسب مصادر "كود" كيخدرو الضحايا ديالهوم عن طريق رش مواد مخدرة، تساعدهم في الاستيلاء على لفلوس والهواتف. المنطقة الرابعة وصلاتها شكايتين مماتلثين ويكهضرو على نفس الأسلوب الإجرامي.
هاد الشفارة كيختارو المحلات اللي مكتكونش فيها الحركة بزاف، وباين نفذو سرقات أخرى مماثلة.