نسرين الراضي فضحات "مشيتي فيها": كيعيطو ليا كل عام باش نمثل معاهم فالكاميرا الخفية

واخا الأرقام القياسية لي كيحققها في المشاهدات كتبقى أصابع الاتهام متجهة ديما للكاميرا الخفية ديال القناة الثانية لي كدوز دابا هادي 5 سنوات.
الممثلة السينمائية دارت لطاقم البرنامج المثل "شهد شاهد من أهلها" ونشرت تدوينة على حسابها في فيسبوك كتتهم فيه الكاميرا الخفية "مشيتي فيها" بالفبركة، وأن الممثلين لي كيجيو غير كيمثلو على الناس وصافي.
نسرين الراضي كتبت "كون هاد الكاميرا الخفية مكانوش كيعيطو ليا كل عام باش نمثل معاهم، نشك نقول راه بنادم بصح كايتقولب، علاش ماتكونش عندنا بصح كاميرا خفية مخدومة مزيان، تجيبني ونبقى نتعصب، علاش علاش مكاينش هادشي وا علاش؟".