فايك نيوز.. مصدر من مطار بنسيلمان ل"كود": حتى طيارة ماجات من فرنسا ونزلات فالمطار وهادشي يستحيل يكون مخبع

نفى مصدر مسؤول بمطار "بنسليمان" أن تكون شي طيارة نزلات اليوم الخميس بهاد المحطة الجوية، بعدما كانت عالقة بفرنسا وفيها 30 مغربي، مشيرا إلى أن هادشي لا أساس له من الصحة وكولو "فايك نيوز"، مستغبرا من تداول هاد الخبر الزائف.
وأوضح المصدر نفسه ل"كود"، قائلاً: "منطقيا راه الحكومة يلا دارت برنامج ترحيل راه غادي تصدر بلاغ في الموضوع، خاصة من هاد الصداع اللّي نايض ف البرلمان وغيرو، ويستحيل غادي تجيبهوم بالتخبيعة".