بزاف ديال الفنانين، ولكسر ملل الحجر الصحي خرجو أرشيف الصور ديالهم وحطوهم على مواقع التواصل الاجتماعي. الفنانة والممثلة خديجة أسد حتى هي نشرات تصاور قديمة ديالها من الأرشيف على حسابها في انستكَرام، وهي في رحلات في عدد من الدول وفي فترة الشباب قبل ما تستقر في كندا هي وراجلها عزيز سعد الله. خديجة حطات تصاور من المسجد الأموي في سوريا وفي ريف هولاندا، وأيضا صور لوالدتها في كازا وكتبت عليها "أيام كانت المدينة فيها الاحترام والأمان وعار الجار على الجار". الممثلة أسد طلبت من الناس أنهم عوض يجيبو دويرة في الزنقة باش يجيبو المغرب، يجيبو الدويرة في الكوزينة ويتعاونو على غسيل الطباسل والزلايف.