وا الصحافيين ردو بالكم مع المباشر فالدار. صحافي صبليوني دار لايڤ وبانت وحدة عريانة وراه وماشي صاحبتو

صحافي اسباني معروف تفرش فرشة كبيرة. الامر يتعلق بالصحافي الفونسو ميرلوس اللي خدم وكيخدم فالصحافة الورقية فالاذاعة فالقنوات. كان داير لايف فقناة شي حد علي اليوتوب كيهدر على حالة الطوارئ فاسبانيا. فتدخلو بانت بنت عريانة من التحت.
هاد الشي خلى الصحف المتخصصة فملاحقة النجوم وحتى الصحف لخرى قلبات عليها وجابت قصتها. طلعات صحافية ف"الخامسة" اليكسيا ريباث.
المشكلة ان هاد الصحافي عايش مع صحافية اخرى مارتا لوبيز هادي عام. هنا باش ناض الصداع. دابا الصحافي صدق مع هاد اليكسيا اللي منافسة لصاحبتو لخرى فالخدمة وطبعا اصغر سن منها.
هادي اللي وقع خلى اليكسيا اللي بانت عريانة٬ خرجات دافعات على راسها وعلى اش كانت لابسة. ما عقلات على حد وضاربة الدنيا بركلة.