مندوبية السجون ل"كود": مدير حبس وارزازات اللي تصاب بكورونا ما تعفاش واللي جا فبلاصتو غير مؤقت

قال مصدر من المندوبية العامة لادارة السجون واعادة الادماج ل"كود" ان ما يروج عن اعفاء مدير سجن وارزازت غير كذوب. مصدر "كود" قال باللي المدير اللي تصاب بكورونا فيروس كيتواجد فالسبيطار وبالي المندوبية كتتمنى ليه الشفاء بحالو بحال كاع الموظفين والسجناء اللي تصابو.
المصدر اكد ل"كود" انه مادام المؤسسة خاصها مدير٬ فقد تم تكليف مسؤول اخر يدير هاد المؤسسة مؤقتا فانتظار يتشافى هاد المسؤول ويرجع لمهامو
كورونا فيروس كان دخل لحبس وارزازت وصاب عدد من المسؤولين والسجناء. دابا دارت تحاليل لكاع السجناء