أودي يا ودي.. من نهار بدات كورونا دنيا باطمة بقات ساكتة وفالأخير غنات أوبريت مافيهاش حس تمغرابيت

في الوقت لي الفنانين والنجوم كيديرو أعمال وطنية لبلادهم باش يشجعو ويشكرو الناس لي واقفين في الصفوف الأمامية للحد من انتشار فيروس كورونا في المغرب، شي فنانين عندنا ضرباتهم اللقوة.
من بين هاد الناس المغنية دنيا باطمة لي بقات ضاربة الطم من نهار بدات الجايحة، وملي داز شهر والزيادة خرجات وعلنات على مشاركتها في أوبريت عربي ماعندو حتى علاقة بالمغرب.
باطمة لي كانت نهار ومطال وهي تعنت بالتمغربيت ديالها، مبينات والو للوطن لي كيدوز من فترة صعيبة. خصوصا أن هي شخص مكتخبي والو وأبسط حاجة دارتها أو تزادت عليها كتشاركها في مواقع التواصل.
لحد الآن باطمة معلناتش مساهمتها في صندوق كورونا، خصوصا أن هادشي جا مع متابعتها في قضية حمزة مون بيبي واعتقال ختها ابتسام لي حاليا قربات تكمل شهر في حبس الوداية في مراكش.