ضربها بالموس بزاف دالخطرات.. مغربية قتلها صاحبها ففرانسا

اعترف شاب عندو 25 عام من عمرو، لبارح السبت عند البوليس فمدينة أميان فإقليم بيكاردي الفرنسي، بللي قتل صاحبتو المغربية اللي عندها 21 عام، من بعد ما ضربها بالموس فأماكن مختلفة من الجسد ديالها.
ولقاو عناصر الوقاية المدنية الجثة ديال البنت الخميس اللي فات، من بعد ما اتصلات صاحبتها بالبوليس وقالت ليهم بللي ماعاوداتش شافتها أو سمعات عليها شي حاجة، وهذشي اللي خلا البوليس يقتحمو الدار اللي ساكنة فيها، ويلقاوها جثة هامدة.
وعلى حساب نتائج التشريح، فالبنت ماتت بربعيام على الأقل قبل ما يلقاوها الوقاية المدنية.
والنيابة العامة فبيركاردي وضعات المتهم فالقضية تحت تدابير الحراسة النظرية باش يزيدو يحققو معاه.