واخا كاين نقص ف الأول.."كوباك" و"سنترال" غايزيدو يوزعو ملايين "الكمامات" على مراكز البيع

علمت "كود" من مصدر مطلع أن تعاونية "كوباك جودة" اللي هي من أكبر التعاونيات ف المغرب، تمكنت من توزيع الملايين من الكمامات الطبية، إلى جانب شركة "سنترال دانوان"، اللي كتعتبر من أكبر الشركات في سلسلة الحليب.
وأوضح ذات المصدر أنه من المنتظر ان يرتفع عدد الكمامات اليوم بما يناهز مليون زيادة على المستوى الوطني.
وفي غياب أرقام رسمية، قالت المصادر بلي كوباك وسنترال باغين يعممو تجربة التوزيع على باقي الشركات والتعاونيات والمعامل لي خدامين ف سلسلة الحليب، ولي كاينين ف جميع التراب الوطني، باش الكمامات يوصلو لجميع المواطنين بدون استثناء.
مسؤول ب"كوباك" صرح ل"كود" بلي ف الاول كاين شويا نقص ف عدد الكمامات، حيث كيوحلو مع مراكز البيع (مول الحانوت او سوبر مارشي، او غيرها من المحلات) كاتجي الكمية قليلة الى توزعات عليهم ف أي مدينة.
ذات المصدر قال بلي اليوم وزارة الصناعة والتجارة والاقتصاد الأخضر والرقمي، زادت من عدد الكمامات، والعدد غايرتفع يوما بعد يوما، حتا توصل ناس كاملين، مضيفا :"هادي خدمة زوينة كاديرها الدولة فهاد الجانب وحنا معها".