القرض الفلاحي غيدير 50 وكالة متنقلة فالعروبيات باش يحصلو سكانها على المساعدات المالية

غيسخر القرض الفلاحي 50 وكالة متنقلة باش يسهل توزيع المساعدات اللي كتمنحها الدولة للناس اللي ساكنين فالعروبية، خصوصا فالمناطق البعيدة والمعزولة.
وعلن القرض الفلاحي، فبلاغ ليه، بللي غايولي يهتم أكثر بالساكنة الهشة اللي كاينة فالمناطق القروية باش يقدم ليها المساعدات فأقرب وقت ممكن، خصوصا وأن هذ المناطق مافيهاش بانمات وشبابيك إلكترونية، وغايصعاب على الساكنة ديالها يتلقاو المساعدات ديالهم.
وكاتجي هذ الخطوة كذاك، حسب البلاغ نفسو، لتسهيل تقديم الدعم ديال الدولة على كَاع الناس اللي يستحقوه، من خلال توظيف هذ الوكالات المتنقلة اللي تقدر تدوز على مجموعة من القرى، ويكون تكافؤ الفرص بين اللي فالمدينة واللي فالعروبية.