اللي مابغاش يخدم من أطباء القطاع الخاص غايخدم صحا عليه منين تسوء الأوضاع مع كورونا

الأطباء ديال القطاع الخاص اللي مازال زايدين فيه، وسادين عياداتهم ودافعين الشواهد الطبية قفارت عليهم.
مصدر خاص أكد ل"كود" أن الأطباء الخاصين اللي هربانين من فيروس كورونا المستجد فهذ الفترة، وسادين عليهم ديورهوم، غادي يجيبوهم صحا يخدمو إلى ساءت الظروف أكثر.
المصدر أكد بللي الأطباء ميمكنش يبقاو مخبيين طيلة هذ الفترة، وبالقوة يقدرو يجيبوهم، باش يعاونوا أطباء القطاع العام فمعالجة المصابين بكورونا، "ومن الأحسن يخدمو دابا كلهم قبل مايجيبوهوم بزز غدا".
وكانت الهيئة الوطنية لأطباء القطاع العام سافطات إنذارات لمجموعة من الأطباء ساديين عياداتهم فهذ الوقت، ونبهاتهم بللي غيخصهم يحذرو أو يقدمو مبرر مقنع.
وكثر من 200 طبيب فالقطاع عاطي شهادة طبية باش مايحلش العيادة ديالو فهذ الوقت.