فيلم تركي شبعان دراما منوض حالة بين المغاربة.. والبطلة ديالو شكراتهم على الحب والتشجيع -فيديو

مع العزل الصحي لي فاضو المغرب للحد من انتشار فيروس كورونا، بزاف ديال الناس قلبهم طايب وباغين غير الفرصة فاش يفشو خاطرهم، وختارو الفيلم التركي " miracle in cell n7 معجزة في الزنزانة رقم 7′′ باش يبكيو ويفوجو شوية.
هاد الفيلم لي هو عبارة عن remake وموخود من فيلم كوري بنفس الاسم خرج ف 2013، ولا هو حديث رواد مواقع التواصل الاجتماعي في المغرب ونسبة كبيرة من الناس تفرجو فيه، ولي كيتفرج كيقول بكا مع القصة لي عتابروها زوينة ومؤثرة وقاستهم في قلبوهم.
بطلة الفيلم نيسا صوفيا أكسونغور، شكرات المغاربة على التشجيع والحب، وصورات فيديو دوات فيه بالانكَليزية وقالت ليهم "شكرا".
لي بغا يتفرج في الفيلم راه كاين في "نتفليكس" وموقع "قصة عشق"، واخا كيبقى الفيلم الكوري احسن وبزاف لا دراميا ولا في الاخراج وحتى في التمثيل والسنيماتوگرافي.