سكوب.. توقع: عفو ملكي على لمحابسية وممكن يكون فيها الزفزافي وصحابو ومسؤول حكومي ل"كود": كل حاجة كتجي فوقتها

عمر المزين – كود//
توقعت مصادر ل"كود"، أن يتم الإفراج عن محابسية مغاربة وممكن يكون منهم وجوه من حراك الريف بحال ناصر الزفزافي وصحابو.
هاد الشي وفق مصدر "كود" يقدر يكون قريب ويمكن فالساعات اللي جاية.
وأوضحت المصادر ذاتها، ل"كود"، أن هؤلاء المعتقلين قد يتم الإفراج عنهم بعفو ملكي، مؤكدة أن هذه الخطوة المتوقعة تأتي في إطار الرأفة المشهود بها للملك محمد السادس".
"كود" اتصلت بمسؤول حكومي اللي رد على سؤال ل"كود" بالقول " الله وأعلم لكن كول حاجة كتجي فوقتها، وداكشي دبا يخرج"٬ فيما ذهب مسؤول اخر معاه فالحكومة باللي المغرب غادي يدير خطوة اللي دعات ليها منظمة الصحة العالمية باطلاق سراح معتقلين فزمن "كورونا".
المصدر قال ل"كود" "العفو بيد جلالة الملك. وخاصنا نتسناو حتى يولي رسمي"