صحافي مشهور ف"ميدي 1 تيفي" مع عصيان شي وحدين لحالة طوارئ عكس سياسة قناتو ودعم اللي خرجو :مشهد للتاريخ

صحافي من قناة "ميدي 1 تيفي" كيدعم الفضيحة اللي وقعات البارح فطنجة من خلال عصيان داروه فئات معروفة على الاسلام السياسي الراديكالي. هاد الشي ما دازش فالقناة ولكن احد وجوهها يوسف بلهيسي احد اشهر وجوه القناة كان متفاعل بشكل غريب مع هاد الشي. اييه فصفحتو الخاصة على الفايسبوك ولكن راه وجه القناة. شكون غادي يدير التمييز بين المواطن والصحافي.
بلهيسي كتب "مشهد للتاريخ في طنجة". لا صوت يعلو فوق اصوات التكبير والتسبيح والتهليل. اللهم اكشف عنا البلاء".
دابا هادا كيدعم عصيان شي وحدين علي الدولة على قرار "حالة الطوارىء". غادي يقول لينا اللا كنهدر على اللي كيبكر فدارو. كذوب. حقاش البارح الاصوات كانت فالزنقة.
دابا ايلى صحافي كيتبنى فهاد اللحظة التاريخية مواقف بحال هادي. لا صوت يعلو على اصوات التكبير. اي ان النشيد الوطني اللي شي وحدين خراين حتى هما مقودين. قالو خاصو يترفع فهاد الوقت٬ هو اللي كيقصدو الصحافي.
القناة عندها سياسة مغايرة لهاد الشي اللي دارو الصحافي. ايلي ما عجبوش الحال علاش مازال خدام فيها. يخرج منها ويمشي عند هادوك صحاب الاسلام السياسي الراديكالي. يمشي يدعم الرقية الشرعية