كورونا. حارث مازال زايد فيه.. مشى لبار فيه الشيشة والبوليس وقفو.. ومدير شالك: اللاعب ارتكب خطأ ونادم عليه

امين حارث، لاعب المنتخب الوطني وشالك الالماني، مازال زايد فيه وما بغاش يدير عقلو، خصوصا في هذه الظرفية الصعيبة، اللي كيمر منها العالم، بسبب انتشار فيروس كورونا المستجد.
حارث خرج من الحجر الصحي، المفروض على فريق شالك الألماني برمته، ومشى لبار هو وصاحبو باش يكمي الشيشة في مدينة إيسن في هذه الظروف الصعبة.
وكشفت صحيفة "بيلد" الألمانية أن حارث مشى لهقوا ديال الشيشا البارح الجمعة واخا جميع مكونات شالك الألماني ملتزمة بالحجر الصحي بعد إرغام اللعابة على البقاء في منازلهم، لتفادي انتشار وباء كورونا.
وحسب هذه الصحيفة، فإن البوليس تدخل ووقف حاريث ونشاط هاد البار، اللي كان فيها اللاعب المغربي وصاحبو، تماشيا مع التدابير الوقائية المتخذة في ألمانيا.
المدير الرياضي لشالك الألماني جوشن شنايدر اعترف بتفاصيل هذه الواقعة، وگال أن امين حاريث ارتكب خطأ فاش مشى هو وصاحبو لقهوا ديال الشيشا واخا كاين الحجر، واضاف "ذكرته أن الممارسات اللي كانت طبيعية بالبارحة ما بقاش مسموح بها اليوم، بسبب تفشي وباء كورونا. وهو دابا نادم على هادشي اللي دار وتعهد بعدم تكرار هاد السلوك".