اليبيلوط طلعو كثر من المدارس الخصوصية. كيضحكو على لمغاربة.. باش يضغطو على “لارام” اللي واقفة رافضين يعاونو صندوق مواجهة “كورونا” وگاليك مستعدين نديرو رحلات طبية

الجمعية المغربية لطياري الخطوط الجوية بالمغرب بحالها بحال هادوك الجمعيات ديال التعليم الخصوصي. كلشي كيساند صندوق مواجهة “كورونا فيروس” وهما دارو بيان كيضحك على لمغاربة.
كيتخلصو 15 مليون فالشهر والله يزيدهم، ودابا الشركة واقفة وعوض ما يقولو للشركة نتنازلو على جزء من الراتب ونعطيو الجزء الآخر لدعم هاد الصندوق، قال ليك كنعرضو خدماتنا للحكومة للقيام بالرحلات الجوية سواء منها الطبية أو الإنسانية أو رحلات العودة.
علاش هاد الاستحمار المغربي. انتوما أصلا ايلى كانت شي رحلات خاصكم ديروها حقاش مخلصين على خدمة دابا ما كديروهاش.
علاش ما عندكمش الهم لا لشركتكم لا لبلادكم. عارفين باللي واخا عندكم الإمكانيات تمشيو لبرا ولكن برا دابا مرونة كثر من المغرب.
يكون عندكم شوية لوجه باش تحشمو.