علاش الناس دالصونطر دابيل. والناس فلوزين دالكابلاج مزال خدامين ؟

هاد جوج خدامي بالضبط جامعين ناس كثار، شي حدا شي، بدون وسائل الوقاية، فيهم الصغير و الكبير، الي عندو وليدات و الي مزال مع والديه. واش حيث ميمكنش لهم يخدموا من ديورهم، نخلّيوهم مغامرين ؟ مغامرين براسهم، و بعائلاتهم و بالناس الي يقدرو يتلاقاو معهم. راه كنهدرو على الآلاف دالمغاربة، مصيبة اذا تصاب فيهم شي واحد.
اش كيتسنى وزير التشغيل باش يلقى حل؟ قسمو العاملين على جوج، فرقة تجي نهار و الاخرى نهار التالي، و نضمنوا مسافة الابتعاد الاجتماعي بين عامل و عامل، الي نقدرو نسميوها البطالة الجزئية بحال الي تدار فلوزينات على الخارج، و نفس الشيء فالصونطر دابيل. و اذا كانت إمكانية التوقف التام حتى تفوت كورونا علاش الّا.