يا لمغاربة سمعو مزيان هاد الشي. منظمة الصحة العالمية لافريقيا: وجدو للاسوأ مع “كورونا فيروس” وراه حتى الشباب كيقتلهم وخاصكم تعزلو ريوسكم

قودناها بصاح. منظمة الصحة العالمية قالت اليوم الاربعاء للافارقة “وجدو ريوسكم للاسوأ” مع كورونا فيروس. خبراء المنظمة حذرو من الارقام الرسمية القليلة بالنسبة للي فيهم “كورونا فيروس” وقال ان هاد الشي يقدر يكون “مؤشر على ضعف أنظمة رصد الحالات”.
اليوم مدير عام منظمة الصحة العالمية تيدروس أدهانوم غيبرييسوس، صنف فيروس كورونا ب”عدو البشرية” واوضح “”هذا الفيروس كيمثل تهديد ما عمرو كان، ولاكن كيعطي فرصة غير مسبوقة باش نوجدو كلنا لهاد العدو”
وهاد الشي خاص المغرب يسمعو ويزيد يسمعو ها النصيحة اللي قالها مدير عام منظمة الصحة العالمية “لقمع الوباء والسيطرة عليه، يتعين خاص الدول تعزل راسها وتجرب ادوية وتعالج وتشوف اش غادي يوقع”
وكشفت المنظمة اليوم ان هاد العدو ما كيقتلش غير الناس لكبار فالسن بل حتى الشباب. حالة عضو من “الحرس المدني” الاسباني عندو 36 عام كتخلع. السيد ما كان عندو والو لا مرض لا والو جاه “كورونا فيروس” وقتلو.
ففرانسا الوضع مشابه. منظمة الصحة العالمية قالت باللي حالات كثار فهاد لبلاد قل من 50 عام. لقوادة وصافي