اش كتسنّى اِنوي و شركات الاتصال باش يطلقوا انترنت فابور للمغاربة؟

الدراري دالمدرسة ملزومين يتابعو قرايتهم من الدار و يوجدو لامتحناتهم، الوزارة الوصية دارت الي عليها من ناحية توفير المحتوى الأكاديمي عبر قناة الرابعة و برنامج معلوماتي الي محتاج يخدم بانترنت.
من ناحية ثانية، الناس ملزومين يجلسوا فدارهم و يتفاداو يخرجو للزنقة قدر المستطاع، يشدُّوا ولادهم فالدار و مايخليهمش دايعين فالزناقي. انترنت غادي تساعد بزاف من هاد الناحية. و حنا عارفين ان ماشي كلشي عنده الويفي و الأغلبية كيخرج يشارجي خمسة دراهم كونيكسيون.
خاصنا نحطّو جميع الوسائل من جيهتنا الا بغينا ينجح هاذ حضر التجول و نتفكّو من هاد المصيبة. انوي، اتصالات المغرب، اورونج طلقوا كونيكسيون للمغاربة!