كَاد المالح للمغاربة: بقاو فديوركم الله يستر عليكم باش نحاربو “كورونا” – فيديو

ففيديو ليه تنشر على حسابو الرسمي بموقع التواصل الاجتماعي “فيسبوك”، قال الكوميدي المغربي اليهودي، كَاد المالح، بللي لازم على المغاربة يحتاطو من فيروس “كورونا” المستجد، ويبقاو فالدار.
ورغب گاد المالح المغاربة باش مايتحركوش من ديورهم، وياخدو جميع احتياطاتهم باش ماينتشرش الوباء فالبلاد، واضاف: “بقاو فديوركم الله يحفظكم والله يستركم، وغادي نخرجو منها سالمين إن شاء الله”.
بزاف ديال المشاهر من غير گاد اختارو ينخارطو فحملة توعوية باش يفهمو للمغاربة ان جايحة كورونا كاينة وخطيرة وان الطريقة الوحيدة للسيطرة عليها والحد من انتشارو هي نبقاو فديورنا ومانخرجوش باش شي مايعادي شي.