دابا خاص رجل الاعمال منير الماجيدي ياخد بنجلون قدوة ويساهم فهاد الصندوق ضد محاربة تبعات “كورونا فيروس”

الملياردير محمد منير الماجيدي بهاد الصفة ماشي بالصفة الرسمية مزيان حتى هو يساهم فهاد الصندوق اللي دارو سيدنا لمحاربة تداعيات “كورونا فيروس” على الاقتصاد المغربي. مزيان يديرها ويتبعو الملياردير التزلاوي باش مليارديرات كثار ياخدوه قدوة ويديرو بحالو.
دابا المجتمع بين على واحد التكافل كبير. خاص كلشي يشارك فيه ويدعمو يساهم فيه. بعد ما بداو رجال اعمال يساهمو خاص اخرين يتبعوهم. كاين اللي غادي يديرها بلا ما يقولها. اللي مزيان هو يقولها باش يدفع اخرين يديروها.
بلادنا غادية تربح ايلى كاع اللي دار لفلوس فيها يدعمها فهاد الفترة الصعبة. الساعات الاولى مشجعة بزاف