اليمنية بلقيس غادي دير أغنية مغربية ثانية بعدما نجحات ليها “تعالى تشوف” لي صورات فمراكش

المغنية اليمنية الاماراتية كتموت على المغرب وهادشي لي بيناتو في عرسها الأسطوري لي دارت هادي 3 سنين، وعرفنا مؤخرا انها كتقدر تدوي بدارجة مزيان وطيب الطواجن، زيد عليها كتلبس القفاطن وطبعا كتغني بالمغربية.
مولات أغنية “تعالى تشوف” لي حققات الملايين من المشاهدات كتستعد باش دير أغنية مغربية ثانية وغادي تتعامل فيها مع المخرج عبد الرفيع العبديوي لي سهر على أغنيتها الأولى لي تم تصويرها في مراكش في مدة يوماين.
المعلومات حاليا كتفيد أن الاستعدادات قائمة وأنه قريبا غادي يخرج العمل للوجود، بينما بردات الوقت شوية مع جايحة فيروس كورونا.