ضحك عامر تخلف وميزوجيني.. مريم أصوب لرجاء بلمير: سيري تزوجي عاد نهضر معاك

كنقولو دائما أنه لي بغا يأثر خاصو يأثر بأفكار إيجابية ويحاول يصلح بزاف ديال الأعطاب المنتشرة في المجتمع ديالنا، ماشي بحال هاد المؤثرات لي كيزيدو ينشرو غير الكلاخ والتخلف وبعض المرات حتى الافكار الميزوجينية.
مريم أصواب لي نالت شهرة كبيرة بسبب قربها من الأخوين عمر ورجاء بلمير قالت لصاحبتها رجاء، علاقتي بيك غادي نحبسها لأنك عازبة وأنا متزوجة خاصكي تزوجي باش نبقى كنهضر معاك.
مريم أصواب واخا هضهرات بالضحك، لكنها أكدت على الفكرة المنتشرة عندنا في المجتمع ولي كتقول أن الزواج شي حاجة أساسية وأي وحدة تزوجات خاصها تقلب على صحاباتها بحال إلا فيهم كورونا.