ازمة كبيرة بين الرباط وابو ظبي. الرباط استدعات سفيرها والقناصل وكاع المكلفين بمهمة فالسفارة وها علاش

ازمة جديدة ومقودة كثر من اللي قبلها بين المغرب والامارات العربية المتحدة. فقد افادت جريدة “ماگريب انتيليجانس” اليوم ان المغرب استدعى سفيره محمد ايت واعلي السيمانا اللي فاتت. ماشي غير بوحدو اللي استدعاوه. وفق نفس الجريدة فقد تم استدعاء قنصلين للمغرب واحد فابو ظبي والثاني فدبي بالاضافة الى المكلفين بمهمة فالسفارة. يعني ما بقات عندنا علاقة بالامارات ديبلوماسيا. بقاو غير الموظفين اللي خدامين باش يسهلو مصالح مغاربة مقيمين فهاد الدولة الخليجية.
وفق المصدر نفسه فهاد الشي عندو علاقة بعدم تعيين الامارات العربية المتحدة لسفير لها فالمغرب. دابا داز اكثر من عام وهاد البوسط خاوي. طبعا هاد الشي كولو راجع لموقف المغرب من الازمة الاماراتية السعودية من جهة والقطرية من جهة اخرى. المغرب شد لعصا من الوسط وامارات محمد بن زايد رفضات هاد الشي.
الازمة الليبية المغرب كلا لعصا من قبل هاد الدولة اللي كتقدم راسها شقيقة. امراءها قراو وشاركو الطعام خاصة محمد بن زايد مع الملك محمد السادس مع الامراء هنا فالمغرب.