أبو زعيتر داير راسو مامسوقش بالصداع لي نايض عليه.. وكيتخبى من ورا الصلا والدين.. والمعلقين: خاصك تخرج الدري من الحبس

مازال الصداع نايض على أبو زعيتر لي بسبابو ولد مشدود في الحبس بتهمة سرقة الكلب ديالو الاسبوع الماضي.
أبو زعيتر لي دار فيها صعصع ملي مشا يدير زيارة تفقدية لمستشفى ابن سينا في الرباط، باش يشوف كيف غاديين مع كورونا فيروس، كينشر صور من الحياة اليومية ديالو في حسابو على اسنتگرام، ها هو كيصلي هاهو كيهضر في الدين، في الوقت لي عدد من المعلقين كيطالبوه باش يخرج الولد لمشدود بسبابو في الحبس.
الصداع لي نايض على أبو زعيتر ما متعلقش بقضية الولد والكلب فقط، ولكن عدد من الناس ولاو كيوصفوه بالضاسر خصوصا فاش مشا لمستشفى ابن سينا ونوض الرعب في الموظفين والاطباء.