صافي خربات.. كاع المعارض الدولية فالمغرب كيتلغاو والملاير كضيع.. المعرض الدولي دالسيارات فكازا فخبر كان

بعد تأجيل تظاهرات ثقافية ورياضية كثيرة ومعارض ومؤتمرات على قدها بسبب فيروس كورونا الجديد، حتى دورة هذ العام ديال معرض السيارات المعروف “أوطو إكسبو” فكازا تأجلات.
الإدارة ديال المعرض دارت اليوم اجتماع، وخلصات بللي ضروري من تأجيل هذ الدورة اللي غاتكون فشهر يونيو لوقت آخر، استجابة للإجراءات الوقائية اللي دارتها اللجنة الوطنية للقيادة، واللي نصحات بتاجيل الانشطة اللي كايجيو ليها او كايتجمعو فيها ناس بزاف، وخصوصا منها اللي عندها طابع دولي.
مصادر كتقول بللي جمعية مستوردي السيارات، المنظمة لهذ المعرض، فالغالب غايخليو المعرض حتى للعام الجاي، وغايآنيليو هذ الدورة فخطرة.