وقفة احتجاجية تزامنا مع محاكمة عمر الراضي وغسان بوذا

دعات لجنة كازا لدعم الصحافي عمر الراضي وكافة معتقلي الرأي لتنظيم وقفة احتجاجية، بالموازاة مع محاكمته، غدا الخميس مع الظهور قدام، المحكمة الابتدائية لعين السبع، وكذلك أمام استئنافية الخنيفرة فنفس الوقت، تزامنا مع محاكمة الناشط عبد العالي بلحماد (غسان بوذا).
وكتجي هذ الوقفة، حسب بلاغ لمنظميها اطلعات “كود” على نسخة ديالو، من بعد “استمرار ظاهرة الاعتقال السياسي، وإضراب المعتقلين على الطعام، والمحاكمات الجائرة بسبب الرأي، والتضييق على حرية الصحافة الجادة”.
اللجنة الداعية للوقفة علنات كذلك، فالبلاغ نفسو، التضامن ديالها مع معتقلي حراك الريف، وشادت بإضرابهم على الطعام، كيف عبرات على الإدانة ديالها لداكشي اللي اعتابراتو “انتهاك” كيتمارس فحقهم.
ونددات الوقفة كذلك بللي سماتهم “أحكام جائرة” ضد النشطاء فالفضاءات الرقمية، بسبب تعبيرهم على الرأي ديالهم.
ودعات الوقفة جميع الفعاليات المدنية والسياسية للمشاركة فالوقفتين.